8 Februarie 2022
Die Kanadese eerste minister, Justin Trudeau, eis dat die protesoptrede deur vragmotorbestuurders in dié land tot ‘n einde kom.
Honderde vragmotorbestuurders verlam bedrywighede in die hoofstad uit weerwraak teen regulasies wat vereis dat vragmotorbestuurders ten volle teen Covid-19 ingeënt moet wees voordat hulle die grens van die VSA af mag oorsteek.
Plaaslike wetstoepassingsagentskappe het ook die hulp van die federale regering ingeroep om beheer oor die betogers te probeer kry.
Die sogenaamde “Vryheidskonvooi”-betoging is aanvanklik deur regse ekstrimiste begin, maar het intussen ontaard in protesoptrede teen die beperkings.
