21 Junie 2023
Die DA sê hy het ‘n brief van die ANC se regsverteenwoordigers gekry dat dié party van plan is om ‘n beslissing deur die hooggeregshof – dat die party sy rekords oor kaderontplooiing openbaar moet maak – in die hoogste hof van appèl wil beveg.
Volgens die DA se Dr. Leon Schreiber is dié optrede ‘n paniekbevange poging om te verhoek dat die waarheid oor president Cyril Ramaphosa se betrokkenheid by kaderontplooiingskorrupsie weggesteek word vir die land en sy mense.
Dit kom nadat die ANC verlof geweier is om te appelleer teen die hofbeslissing dat die volledige ANC-kaderontplooiingsrekords openbaar gemaak word – met inbegrip van noules, e-pos-boodskappe, WhatsApps en CV’s – wat terugdateer na 1 Januarie 2013 toe Ramaphosa die kaderontplooiingsvoorsitter geword het.
Schreiber sê dit is duidelik dat die ANC nou desperaat en paniekerig is om die waarheid oor kaderontplooiing weg te steek.
Hy sê as daar werklik niks onheilspellends aan hierdie praktyk was nie – soos die ANC beweer – wonder hy wat die rede is hoekom die party so desperaat is om dit geheim te hou.
