25 Januarie 2024
Kaapstad is aangewys as die naasbeste stad om in 2024 te besoek op ‘n lys van vyftig wêreldstede.
New York is boaan die ranglys wat saamgestel is uit ‘n uitgebreide opname onder twintig-duisend wêreldreisigers.
Die burgemeester van die Moederstad, Geordin Hill-Lewis, sê dit is opwindend om te sien dat mense regoor die wêreld die Moederstad steeds as een van die topbestemmings wêreldwyd beskou.
Hy sê dié eer sal help om Kaapstad as toerismebestemming verder te bevorder.
Hill-Lewis sê dié aankondiging volg op die nuus dat die stad rekordgetalle besoekers in die afgelope jaar ontvang het.
2,9-miljoen buitelandse reisigers het verlede jaar dié stad besoek, waarvan 317 000 net in Desember.
