6 Mei 2021
Die storm wat die Kaapse Wynland getref het, het die lewe van minstens twee mense geëis. Die voorval het op die R317-pad by Bonnievale gebeur toe die slagoffers vasgekeer is in ‘n voertuig wat omgeslaan het.
In nóg ‘n voorval kon die bestuurder van ‘n bakkie wat vasgeval het betyds na veiligheid gebring word – en ‘n aantal kinders wat onder ‘n brug skuiling gesoek het kon ook betyds gered word.
LEES OOK: STRUISBAAI “ONDER WATER” NÁ HAELSTORM
Die Meiringspoort naby Oudtshoorn is intussen weer vir verkeer oopgestel nadat dit gesluit moes word weens vloedwater.
Volgens die weerdiens het die kouefront verder oor die binneland beweeg.
