7 Maart 2024
Vier verdagtes het in die landdroshof op Vredenburg verskyn in verband met die verdwyning van die ses-jarige Joslin Smith van Saldanha in Februarie.
Haar ma, Kelly Smith en dié se vriend, Jacquin Appolis word saam met Stefano van Rhyn, en Phumza Sigaqa van mensehandel en ontvoering aangekla.
Volgens die staat het Smith aan Appollis en Van Rhyn opdrag gegee om Joslin aan ‘n toordokter, Sigaqa, vir twintig-duisend rand te verkoop.
Al die beskuldigdes het aangedui dat hulle om regshulp van die staat wil aansoek doen en hulle bly in aanhouding tot hulle volgende verskyning.
Nog klagtes kan moontlik by die klagstaat gevoeg word en nóg verdagtes kan moonlik aangekeer word namate die soektog na Joslin voortduur.
