21 Oktober 2024
Die staat het aanklagte teen een van die beskuldigdes in die Joshlin Smith-verdwyningsaak, Lourentia Lombaard, teruggetrek.
Sy het saam met die drie oorblywende beskuldigdes, Jacquin Appollis, Stevano van Rhyn en Joshlin se ma, Kelly Smith vanoggend in die landdroshof op Vredenburg verskyn waar die saak na die hooggeregshof oorgeplaas is.
Volgens berigte sal Appolis nou ook as staatsgetuie in dié saak optree wanneer die voorverhoor op 31 Januarie 2025 plaasvind.
Die graad 1-leerling van die Laerskool Diazville – in Saldanhabaai – word sedert Februarie vermis.
Die Diazville-gemeenskap het ‘n gebedsdiens gehou voor haar verjaardag op 23 Oktober en gemeenskapslede sê hulle bly hoopvol en sal aanhou bid vir Joshlin se veilige terugkeer.
