Die voormalige regter-president van die Wes-Kaap en parlementêre leier van die MK-party, John Hlophe, se aansoek om verlof tot appèl in die Grondwetlike Hof aan te teken, is met koste van die hand gewys.
Hlophe en sy party het met die saak begin nadat die Hooggeregshof in Kaapstad verlede jaar ‘n tussentydse interdik toegestaan het wat hom verbied het om aan enige bedrywighede van die Regterlike Dienskommissie deel te neem.
Die regters het bevind dat Hlophe en die MK-party nie geldige redes kon verskaf om direk na die Grondwethof te appelleer nie.
Hy is destyds uit sy pos as regter-president van die Wes-Kaap verwyder, onder andere weens sy pogings om twee regters ten gunste van oud-president Jacob Zuma se hofsaak te beïnvloed.
Die saak is deur die DA, Freedom Under Law, Corruption Watch en die Speaker van die Parlement en ander politieke partye gebring.
