10 Augustus 2023
‘n Ma van Johannesburg sal na verwagting weer vandag in die hof verskyn nadat sy in hegtenis geneem is nadat ‘n video oor die naweek die lig gesien het waarin gewys word hoe ‘n jaar-oue baba mishandel word.
Die kind se pa het ‘n klag by die Norwood polisiekantoor gelê.
In die video kan gesien word hoe iemand, na bewering die ma, die baba skop en op sy keel en bors trap terwyl hy op die grond lê.
Die kind is na ‘n plek van veiligheid geneem hangende die ondersoek.
Volgens die polisie se luitenant-kolonel Mavela Masondo is die kind getraumatiseer en kry hy die nodige behandeling.
