1 Oktober 2021
Die Johannesburgse-metro het vir die derde keer sedert Julie vanjaar ‘n nuwe burgemeester.
Die speaker in die Johannesburgse-raad, Nonceba Molwele sê die enigste benoeming vir dié pos wat sy ontvang het is die ANC-raadslid, Mpho Moerane. Molwele sê sy het daarom geen beswaar teen sy nominasie nie, wat beteken dat hy dus die nuwe burgemeester in die metro is.
Dié benoeming kom slegs ‘n maand voor die munisipale verkiesing op 1 November.
Die vorige burgemeester, Jolidee Matongo is sowat twee weke gelede in ‘n motorongeluk oorlede. Hy was vir ongeveer ‘n maand lank in die pos nadat sy voorloper, Geoff Makhubo in Julie vanjaar weens Covid-19-komplikasies oorlede is.
Stem vir die Aitsa’s
