22 September 2022
Die Johannesburgse metroraad het die nasionale energiereguleerder, NERSA, gevra om die voorgestelde tariefverhoging tot hoogstens 18,4% persent te beperk.
Volgens die stad se burgemeesterskomiteelid belas met infrastruktuurdienste, Michael Sun, moet Eskom eerder aangemoedig word om introspeksie te doen en alternatiewe te ondersoek om sy effektiwiteit te verbeter en sodoende sy kostes te besnoei.
Sun sê die voorgestelde verhoging van 38,1% is aansienlik hoër as die huidige inflasiekoers en sal die land se ekonomiese herstel belemmer.
Hy sê te midde van die hoë beurtkragfases wat tans ondervind word is die voorgestelde verhogings nie net onrealisties nie, maar boonop heeltemal belaglik.
