30 November 2023
Die Johannesburg-metro beplan om R2,6-miljoen te bestee op ‘n jaareindfunksie wat gehou gaan word vir sy langsdienende beamptes.
Volgens berigte is die koste vir die goedere en dienste wat verband hou met die funksie in sommige gevalle tot meet 766% opgeblaas.
Dit sluit ondermeer R40 000 vir blomme, R300 000 vir baadjies, R769 000 vir horlosies en R171 000 vir ander uitgawes.
Die stad beplan om baadjies en horlosies as geskenk te gee aan die amptenare, wat meer as 40 jaar diens gedoen het by dié metro.
Die funksie is reeds goedgekeur deur die stadsbestuurder Floyd Brink, ten spyte van opdragte van die Nasionale Tessourie om onnodige uitgawes te besnoei.
