16 Januarie 2024
Die Johannesburgse Nooddienste en verkeerspolisie is op ‘n hoë gereedheidsgrondslag en doen ‘n beroep op motoriste om waaksaam op die paaie te wees.
Motoriste word ook gemaan om laagliggende gebiede wat geneig is om te oorstroom, te vermy.
Dit volg nadat daar ’n waarskuwing vir erge reën- en donderbuie in Gauteng uitgereik is.
Verder word daar ook gewaarsku dat die verkeersligte tydens die ontwrigtende reën in sommige gebiede van die stad as gevolg van beurtkrag buite werking kan wees.
Eskom sê hy sal voortgaan om fase 2-beurtkrag te implementeer terwyl hy besig is om sy noodreserwes aan te vul.
