16 Augustus 2021
Die veroordeelde moordenaar, Jason Rohde se appèlsaak sal vandag in Bloemfontein aangehoor word.
Rohde is in 2019 in die hooggeregshof in Kaapstad tot 20 jaar gevangenisstraf gevonnis nadat hy skuldig bevind is vir die moord op sy vrou, Susan Rohde.
Hy appelleer teen beide sy skuldigbevinding sowel as vonnis na hy in November 2018 aan moord en regsverydeling skuldig bevind is.
Susan se liggaam is in Julie 2016 agter ’n geslote badkamerdeur op die Spier-wynlandgoed buite Stellenbosch gevind.
Regter Gayaat Salie-Hlophe het bevind Rohde het sy vrou vermoor en die toneel só gemanipuleer dat dit gelyk het asof Susan haarself opgehang het.
Hou Afrikaans op die lug
