1 Julie 2021
Oud-president Jacob Zuma sê die Grondwethofuitspraak wat hom skuldig bevind het aan minagting van die hof, is geregtelik emosioneel, woedend en ongrondwetlik.
Die Jacob Zuma-stigting het gisteraand in ‘n verklaring gereageer op die uitspraak, en sê die Grondwethof regters het hul ampseed en die grondwet verbreek.
Zuma sê dis onwaar dat hy die Grondwethof aangeval het, en sê hy wou bloot hê dat die reg sy gang moes gaan, met betrekking tot die hersieningsaansoek dat adjunk-hoofregter Raymond Zondo hom van die staatskapingsverhore moet onttrek.
Zuma se regspan bestudeer nog die uitspraak van die hof en sal daarna besluit wat hom te doen staan.
Hy het nog drie dae oor om hom vrywillig aan die polisie te oorhandig nadat hy tot 15 maande gevangenisstraf gevonnis is.
