27 September 2022
Oud-president Jacob Zuma het gisteraand in ‘n verklaring bevestig dat hy bereid is om terug te keer na die politiek indien die ANC-takke dit so wil hê.
Zuma sê hy is deur kaders van die ANC genader om homself beskikbaar te stel vir die posisie van nasionale voorsitter van die ANC. Dit glo om te help om die party te herbou en rigting te gee.
Hy sê hy is nie van voorneme om so ‘n beroep van die hand te wys nie.
Zuma het ook sy steun vir sy eksvrou, die minister van samewerkende regering en tradisionele sake, dr. Nkosazana Dlamini-Zuma, uitgespreek om as president van die ANC te dien.
Die ANC-leiers sal vanjaar tydens die party se 55ste nasionale kongres in Desember na topposte verkies word.
