20 Junie 2022
Jaco Swart, die Pretoria-man, wat skuldig bevind is aan die aanranding van sy vrou, Nicoleen beweer dat hy deur ‘n groep mans verlede week in Gauteng aangerand is.
Swart se skuldigbevinding en vonnis – ‘n boete van R20 000 het wyd opslae gemaak met talle mense wat aanvoer dat dié vonnis te lig is.
LEES OOK: LUISTER: SLAGOFFER GESELS NÁ VERVREEMDE MAN SKULDIG BEVIND IS AAN AANRANDING
Kringtelevisiebeeldmateriaal, waarin gesien kan word hoe Nicoleen geskop, slaan en gestamp word, is wyd op sosiale media versprei.
Swart het aan sy regsverteenwoordiger, Enoch Nethangani gesê dat hy Donderdag in Pretoria aangerand is. Hy het in ‘n klankgreep aan Nethangani gesê dat hy glo in motor se kattebak geplaas is na die beweerde aanranding.
LUISTER: KYK: PRETORIA-MAN SKULDIG BEVIND AAN DIE AANRANDING VAN SY VROU
Swart het ook in die klankgreep beweer dat daar gerugte oor hom versprei is, soos dat hy vier vroue aangerand het.
