12 Junie 2024
Die Kieshof het Jabulani Khumalo se aansoek – om as leier van die Umkhonto weSizwe-party heraangestel te word – vandag van die hand gewys.
Khumalo het in sy aansoek aangevoer dat die MK-party se Duduzile Zuma-Sambudla sy handtekening vervals het, om die Onafhanklike Verkiesingskommissie in te lig dat hy bedank het en met oudpresident Jacob Zuma vervang sal word.
Dit volh nadat Khumalo in April deur die MK-party geskors is.
Hy het volgehou dat hy die leier is en het vroeër vandeesweek in ‘n verklaring gesê dat hy Vrydag die eerste parlementêre sitting sal bywoon.
Die hof het bevind dat sy aansoek ongeldig en onwettig was.
