11 Januarie 2024
Suid-Afrika se hofsaak waarin hulle Israel van Volksmoord beskuldig het vroeër in die Internasionale Geregshof in Den Haag, Nederland begin.
Die saak sal tot môre (12 Januarie) duur wanneer Israelse regslui hulle verweer sal lewer. Die president van die Wêreldhof, Joan Donoghue lei die verrigtinge. Sy sê Suid-Afrika wil met die saak ook hê dat die Wêreldhof Israel moet verplig om sy optrede teen Gasa onmiddelik te staak.
‘n Lid van Suid-Afrika se regspan, advokaat Adila Hassim het in ‘n stadium redes verskaf oor waarom hulle aanvoer dat Israel se optrede teen Gasa op volksmoord neerkom.
Sy sê Israel het beheer oor Gasa, wat beheer oor sleutel-funksies insluit, ondermeer twee belangrike deurgange na Gasa. Volgens Hassim word 2,3-miljoen mense reeds die afgelope 96 dae blootgestel aan geweldadige aanvalle, maar meen die hongersnood wat die mense ervaar kan ook nie geïgnoreer word nie.
Volgens Hassim moet Israel verantwoordelikheid neem vir die verwoesting en moet onderneem om huise te herbou.
Advokaat Tembeka Ngcukaitobi het namens Suid-Afrika gesê dat Israel doelbewus volksmoord pleeg. Hy meen Israel beskou mense van Gasa as diere, omdat mense weens hongersnood sterf en ook van mediese hulp wat weerhou word.
Ngcukaitobi meen verder Israel pleeg doelbewus volksmoord en dit kan gesien word in hoe kinders doodgemaak word.
