26 September 2024
Die DA se leier in Gauteng, Solly Msimanga het in reaksie op die verwydering van Cilliers Brink uit sy amp as burgemeester gesê dat hierdie dag in die geskiedenisboeke opgeskryf gaan word as ‘n dag waarin die Tshwane-metro en sy inwoners in die rug gesteek is.
Volgens Msimanga het ActionSA die metro in chaos gedompel en die goeie vordering wat gemaak is om die stad reg te ruk tot ‘n einde gebring.
Msimanga meen ActionSA se optrede het reg in die hande van die ANC gespeel. Hy sê die ANC stel is nie bekommerd oor die inwoners van die Tshwane-metro se beste belange nie.
Msimanga sê die verval van die metro, en dienslewering lê nou vir die inwoners van Pretoria Voort.
LEES OOK: Blitsberig: Tshwane-burgemeester Cilliers Brink uit die kussings gelig
AfriForum hetook op die nuus van Brink se verwydering gereageer. Die hoof van openbare betrekking by AfriForum, Ernst van Zyl sê selfdoenaksies is nou belangriker as ooit om gemeenskappe te red.
AfriForum het vroeër vandeesmaand ’n petisie aan die burgemeesterskomiteelid en voorsitter van die koalisiekomitee in die Tshwane-metro, Jacqui Uys, sowel as ander verteenwoordigers van die koalisie oorhandig in ‘n poging om Brink te beskerm.
Nagenoeg 17 000 inwoners van Pretoria het die petisie onderteken. Van Zyl meen sekere partye se belange het vandag geseëvier oor die inwoners van Pretoria se belange.
