14 Augustus 2024
Die DA in die Wes-Kaap sê weens ‘n bemagtigde sake-omgewing in dié provinsie is inwoners meer geneig om werk te kry as in die res van Suid-Afrika.
Volgens dié party se lid van die provinsiale wetgewer en woordvoerder oor landbou, ekonomiese ontwikkeling en toerisme, Noko Masipa, is die Wes-Kaap se uitgebreide werkloosheidskoers 11,9 persentasiepunte laer as dié van Gauteng – wat dikwels as die ekonomiese spilpunt beskryf word.
Masipa het gerageer op die indiensnemingsyfers vir die tweede kwartaal wat deur Statistiek Suid-Afrika uitgereik is.
In terme van die eng definisie is die Wes-Kaap se werkloosheidskoers ook die laagste in die land met 22,2%.
Dit is 8,9 persentasiepunte laer as die naasbeste presterende provinsie, KwaZulu-Natal, en 11,3 persentasiepunte minder as die nasionale gemiddelde werkloosheid koers van 33,5%.
