2 Maart 2023
Die adjunkminister van staatsveiligheid in die presidensie, Zizi Kodwa het gister aan die parlement gesê dat die kragkrisis en die hoë vlakke van misdaad word as bedreigings vir nasionale veiligheid in Suid-Afrika beskou.
Kodwa sê die kragkrisis is heel bo aan die lys van bedreigings.
Hy sê die Staatsveiligheid-agentskap (SVA) is daarom gevra om ook deel te wees van die Nasionale Energiekrisiskomitee, om die probleme by Eskom op te los.
LEES OOK: VSA WAARSKU SY INWONERS OOR BEURTKRAG IN SUID-AFRIKA
Die SVA sal volgens Kodwa bewerings van sabotasie en korrupsie by Eskom dophou.
Intussen berig internasionale media dat die herhaaldelike kragonderbrekings in Suid-Afrika kan lei tot grootskaalse onluste wat op dieselfde vlak as ‘n sogenaamde burgeroorlog sal wees.
Die New Zealand Herald berig dat die Amerikaanse en Australiese ambassades hul inwoners in Suid-Afrika gewaarsku het oor die kragkrisis.
Die departement van handel en buitelandse sake in Nieu-Seeland meen sy inwoners in Suid-Afrika moet versigting wees omdat onluste kan ontstaan.
