7 Maart 2023
Die Suid-Afrikaanse Inkomstediens sê in ‘n verklaring dat president Cyril Ramaphosa sy belastingverpligtinge nakom.
Ramaphosa en sy ondernemings Ntaba Nyoni Estate en Ntaba Nyoni Feedlot het skriftelike toestemming gegee dat die SAID dié verklaring oor die president se belastingsake uitgereik word omdat dit in die openbare belang is.
Die SAID word ingevolge wetgewing verhoed om inligting openbaar te maak sonder skriftelike toestemming.
Luidens ‘n verklaring van die SAID is die president se oudits nog altyd met sy volle samewerking en sonder enige negatiewe bevindings afgehandel.
