22 Januarie 2025
Statistiek Suid-Afrika (SSA) het bevestig dat die inflasiekoers die afgelope drie maande gestyg het van 2,8% in Oktober tot 3% in Desember – die hoogste vlak sedert September 2024.
Die gemiddelde inflasie vir 2024 was 4,4%, laer as die 6% in 2023 en 6,9% in 2022.
Ekonome het reeds in Oktober gewaarsku dat inflasie waarskynlik sy laagste punt bereik het.
Vyf van die tien inkomstegroepe ervaar inflasie bo die 3%-gemiddeld, insluitend die armste groep met 4% en pensioentrekkers met 3,5%.
