18 September 2024
Verbruikersinflasie het tot onder die middelpunt van die Reserwebank se inflasieteieken van 3-tot-6% gedaal en op 4,4% vir Augustus te staan gekom.
Ekonome is vas oortuig dat dit die laaste beduidende oorweging sal wees vir die bank se monetêre beleidskomitee om Donderdag ‘n rentekoersverlaging aan te kondig.
Die oorgrote mening is dat dit met 25-basispunte verlaag gaan word.
‘n Soortgelyke verlaging word in November verwag.
Augustus se inflasiesyfer is die laagste sedert April 2021 en is grootliks te danke aan laer vervoerpryse ná ‘n reeks brandstofprysverlagings.
