Spanning tussen Indië en Pakistan het breekpunt bereik nadat Indië deur die loop van die nag vuurpylaanvalle op Pakistan uitgevoer het.
Dié twee kernmoondhede is weer in ‘n stryd om Kasjmir gewikkel nadat 26 toeriste verlede maand in ‘n aanval op ‘n Indiese vakansie-oord in Kasjmir gedood is.
Indië sê hy het terroriste-basisse aangeval en geen van Pakistan se amptelike militêre instellings is beskadig nie.
Volgens Pakistan is drie burgerlikes gedood en kon hy in reaksie op dié aanvalle vyf Indiese vliegtuie afskiet en talle soldate as krygsgevange neem – in aansprake wat nie bevestig kon word nie.
Intussen het die Kremlin vanoggend ‘n beroep op die twee lande gedoen om sogenaamde selfbeheersing toe te pas omdat hy bekommerd is dat ‘n militêre konfrontasie kan vererger. Die Kremlin meen die spanning kan op ‘n vreedsame wyse opgelos word.
Verskeie lugdienste in Asië het ook vroeër vandag begin om vlugte na en van Europa te herlei of gekanselleer weens die gevegte tussen Indië en Pakistan.
Foto: ECR Newswatch
This is what India is doing to Pakistan right now.
This didn't happen under Biden.pic.twitter.com/AO6OxEd9Zm
— Don Winslow (@donwinslow) May 6, 2025
