22 Maart 2022
Nagenoeg 50 huise in Onverwacht in Cullinan het oorstroom nadat ‘n keerwal by ‘n oopgroef sandmyn gebreek het.
Die Tshwane-metro se nooddienste sê reddingswerkers, paramedici en die polisie is omstreeks 07:00 vanoggend na die toneel ontbied.
Die nooddienste se woordvoerder, Charles Mabaso sê geen inwoners is beseer nie, maar sommige mense moes wel gehelp word, wat op hulle dakke geklim het. “Die skade-bepaling moet nog gedoen word.”
Volgens Mabaso is die departemente van minerale hulpbronne asook landbou en omgewingsake reeds oor die voorval ingelig.
