6 Februarie 2023
Minstens 237 mense is dood in ‘n aardbewing wat vanoggend in Turkye voorgekom het.
Die aardbewing het 7,8 op die Richterskaal gemeet, en het in die suidooste van die land op die grens met Sirië voorgekom. Meer as 600 mense is beseer, en meer as ‘n 140 geboue beskadig.
Nooddienswerkers sê die dodetal kan nog styg, en dat daar groot skade aangerig is aan infrastruktuur. Dit is ook in Ciprus en Libanon gevoel.
Volgens berigte is ‘n vlak 4-noodtoestand afgekondig, wat beteken hulp van die buiteland word ingeroep. Oekraïne se president, Wolodimir Zelenski het reeds vroeg vanoggend aangekondig dat sy land hulp aan Turkye sal bied.
