18 November 2021
Die voormalige eiendomsmagnaat, Jason Rohde (52), moet voor Saterdagoggend (20 November) om 11:00 by die Plettenbergbaai-polisiestasie aanmeld om te begin om sy gevangenisstraf van vyftien jaar uit te dien.
LEES OOK: ROHDE: REGTER BEVOOROORDEELD TEENOOR HOM
Die Wes-Kaapse hooggeregshof het sy aansoek – dat sy borgtog verleng moet word hangende sy appèl na die Grondwethof – van die hand gewys.
Rohde het vroeër vandeesmaand misluk in sy poging om die Wes-Kaapse hooggeregshof te oortuig dat die voorsittende beampte, regter Gayaat Salie-Hlophe haar onttrek van sy aansoek om sy borgtog te verleng. Hy meen sy is bevoordeeld teenoor hom.
Sy regsverteenwoordiger, advokaat William King, het reeds aangedui dat hulle ook teen dié beslissing gaan appèl aanteken.
LEES OOK: JASON ROHDE MISLUK WÉÉR IN DIE HOF
Rohde is in 2019 daaraan skuldig bevind dat hy sy vrou, Susan, by die Spier wynlandgoed in die Wes-Kaap vermoor het en probeer het om dit te laat lyk asof sy haar eie lewe geneem het
Stem vir die Aitsa’s
