14 Oktober 2021
Nooddienste is op hoë gereedheidsgrondslag met ‘n hittegolf wat van vandag af in groot dele van die land, veral in KwaZulu-Natal verwag word.
Volgens die Suid-Afrikaanse Weerdiens word temperature van so veel as 40 °C vir dele van die land voorspel. Die weervoorspeller, Celeste Fourie sê alhoewel dit baie warm tans in Gauteng is, word ‘n hittegolf waarskuwing nie vir die provinsie uitgereik nie omdat gemiddelde temperature nie as ‘n hittegolf geklassifiseer word nie.
Die Weerdiens meen langdurige blootstelling aan hitte kan tot onder meer sonsteek en moegheid lei. Volgens Fourie verwag die weerdiens dat temperature teen die naweek sal daal.
Stem vir die Aitsa’s
