1 November 2022
Die VF Plus in samewerking met Herotel, Omega Grafsteenwerke Kroonstad, AfriForum en die Vroue Landbou-unie het bygedra tot die herstel van die Afrikaanse musieklegende, Bles Bridges, se gedenksteen net buite Bloemhof.
Foto’s van die beskadigde gedenksteen het verlede week die rondes op sosiale media gedoen nadat Bridges se dogter, Sunette, ‘n plasing daaroor op Facebook gedeel het.
Albert Nel, VF Plus-raadslid in die Lekwa-Temane-munisipaliteit sê verskeie rolspelers en gemeenskapslede het gister bymekaar gekom om die area rondom die gedenksteen op te knap en die steen weer bekend te stel.
