10 Desember 2021
Die minister van minerale bronne en energie, Gwede Mantashe het hom sterk ten gunste van Shell se eksplorasiewerk aan die kus uitgespreek.
Mantashe sê hy is baie bekommerd oor die onophoudelike aanvalle op die olie- en gasbedryf in Suid-Afrika.
Dit kom te midde van omgewingsgroepe se hofsake teen Shell se seismiese opname wat hy in die diepsee langs die Wildekus in die Oos-Kaap wil doen om vas te stel of hy aardgas of olie daar sal vind.
LEES OOK: SHELL MAG VOORTGAAN MET SEISMIESE TOETSE
Mantashe sê hy verstaan nie waarom daar so groot bohaai gemaak word oor die seismiese toetse nie, terwyl dit in die verlede sonder enige weerstand plaasgevind het. Hy meen die seismiese opname behels nie ‘n ontploffing in die see soos wat sekere groepe aanvoer nie.
Volgens hom is dit saamgeperste lug wat op die seebodem vrygestel word om die geologiese rotsformasies te identifiseer.
