25 April 2023
Die ANC-swaargewigte, Gwede Mantashe, Zizi Kodwa en Thabang Makwetla is aangesê om voor ‘n tugkomitee van die ANC te verskyn waar hulle sal moet verduidelik waarom hulle nie skuldig is aan die bevindings wat die Zondo-kommissie van ondersoek na staatskaping teen hulle gemaak het nie.
Mantashe en Kodwa dien steeds in die kabinet terwyl Makwetla ‘n adjunkministerspos beklee.
Die party se sekretaris-generaal, Fikile Mbalula het tydens ‘n perskonferensie gesê daar is ander lede van die party wat óók die geleentheid sal kry om hulle kant van die saak te stel.
Nagenoeg twee-honderd lede van dié party se name is deur hoofregter Raymond Zondo uitgesonder.
