1 Maart 2023
Die Grondwethof het President Cyril Ramaphosa se poging van die hand gewys om direkte toegang tot dié hof te kry, om ‘n onafhanklike paneel se verslag oor die Phala Phala-aangeleentheid ter syde te stel.
Die parlement se artikel-89 paneel het bevind dat Ramaphosa moontlik die Grondwet oortree het en dat hy dalk by geldwassery betrokke was.
LEES OOK: RAMAPHOSA NADER HOF OOR PHALA PHALA-VERSLAG
Ramaphosa se regspan kon nie die hof oortuig dat dit vir die president nodig is om direk Grondwethof te gaan nie, eerder as om aansoek te doen by ‘n laer hof.
Dié beslissing beteken dat Ramaphosa hom tot die Hooggeregshof sal moet wend indien hy die verslag wil betwis.
