3 September 2021
Die Grondwethof het bevind dat die munisipale verkiesing tussen 27 Oktober en 1 November vanjaar moet plaasvind.
Dit kom nadat die voormalige adjunkhoofregter, Dikgang Moseneke namens die Onafhanklike Verkiesingskommissie (OVK) bevind het dat die “verkiesing weens die Covid-19-pandemie nié vry en regverdig sal kan voortgaan nie.” Hy het in sy verslag voorgestel dat die verkiesing uitgestel moet word.
Die OVK het toe die hof genader om die verkiesing na Februarie 2022 uit te stel.
Die Grondwethof het die OVK ook gelas om binne drie dae ondersoek in te stel oor die moontlikheid om ‘n registrasie-naweek vir kiesers te hou.
Sou dit nie moontlik wees nie het die hof die OVK opdrag gegee om die kiesersrol oop te stel sodat voornemende kiesers volgende week by munisipale kantore kan registreer.
Stem vir die Aitsa’s
