20 Oktober 2023
Die Gautengse departement van basiese onderwys het bevestig dat ‘n graad 3-leerling van ‘n skool in Roodepoort dood is – vermoedelik weens voedselvergiftiging.
Volgens die departement het twee graad 3-seuns in die klas begin kla van maagkrampe, nadat hulle beskuitjies geëet het wat by ‘n naby-geleë informele handelaar gekoop is.
Die twee is na die Tshepisong-kliniek geneem waar die een dood verklaar is.
Die ander leerling is na die Leratong-hospitaal oorgeplaas waar hy in ‘n stabiele toestand is.
Die polisie ondersoek die saak.
