4 Augustus 2023
Enkele paaie in en om Kaapstad is weer gesluit namate minibus-taxigeweld opgevlam het.
Die taxi-staking – en gepaardgaande geweld – spruit uit ongelukkigheid oor die afdwinging van munisipale verordeninge waartydens taxi’s geskut word.
Die N2-hoofpad is ‘n kort rukkie gelede in albei rigtings tussen die Hazeldene- en Onverwacht-afrit gesluit.
‘n Diensvoertuig van Eskom is met petrolbomme bestook en gevolglik het die kragverskaffer sy dienste in Khayelitsha, Delft, Belhar, Du Noon, Philippi, en Fisantekraal gestaak.
Die Golden-Arrow-busdiens het op sý beurt besluit om dienste aan Khayelitsha en Nyanga te onttrek, nadat drie van sy busse aan die brand gesteek en een van sy bestuurders in die been geskiet is.
Foto: EWN
