13 Augustus 2021
‘n Gevangene – wat reeds besig is om ‘n vonnis uit te dien vir moord – is in hegtenis geneem in verband met die dood van ‘n vroulike bewaarder by die Leeuwkop tronk in Johannesburg.
‘n 30-jarige man is vanoggend by die gevangenis aangekeer nadat Eunice Moloko se bebloede liggaam vroeër vandeesweek in die gange van die Medium-A Covid-19 afsonderingselle gevind is.
Die verdagte dien gevangenisstraf uit nadat hy in 2014 ‘n vrou in Durban vermoor het.
Die departement van korrektiewe dienste se Singabakho Nxumalo sê die departement betreur die voorval.
