7 September 2021
‘n 25-jarig gevangene is in die Oos-Londense Landdroshof doodgeskiet.
Dié man was in die hof, waar hy tereg staan op aanklagte dat hy in 2018 uit die tronk probeer ontsnap het. Die polisiewoordvoerder, brigadier Tembinkosi Kinana sê die man was onder kruisverhoor toe hy glo skielik met ‘n mes in sy hand uit die getuiebank gespring het en in die rigting van die staatsaanklaer beweeg het.
Volgens Dispatch Live het die man probeer om uit die hofgebou te ontsnap, toe hy na bewering deur polisiebeamptes in die hof geskiet is. Hy is op die toneel dood verklaar.
Dit is nie bekend hoe hy die mes in die hande gekry het nie. Die gevangene kon nie daarin slaag om iemand met die mes te beseer nie.
Volgens Kinana sal ‘n geregtelike doodsondersoek gedoen word.
Stem vir die Aitsa’s
