14 November 2023
‘n Houer wat die radioaktiewe isotoop Iridium-192 bevat, is vanoggend deur die eienaars teruggevind nadat dit Vrydag uit ’n voertuig in Port Elizabeth/ Gqeberha gesteel is.
Volgens die polisiewoordvoerder, kaptein Andre Beetge is die eienaars deur ‘n plaaslike skrootwerfhandelaar in North End gekontak toe ‘n man na bewering die gevaarlike stof aan hom probeer verkoop het.
Volgens die eienaars lyk dit nie asof daar met die houer gepeuter is nie. Die eienaars besit ‘n swysmaatskappy in KwaZulu-Natal en het ‘n beloning aangebied nadat die houer gesteel is.
Die radioaktiewe toestel word gebruik om x-straaltoetse op kommersiële sweislaste mee uit te voer.
Dit is nie bekend of iemand in verband met die voorval in hegtenis geneem is nie.
