27 September 2022
Die ANC in KwaZulu-Natal het vanoggend die geskorste minister van gesondheid, Zweli Mkhize as sy kandidaat vir partyleier benoem.
Mkhize is geskors te midde van die Digital Vibes-skandaal. Die ANC se opsy-staanreël maak daarvoor voorsiening dat ANC-lede, wat by misdade betrek word, geskors moet word. Die minister van samewerkende regering en tradisionele sake, dr. Nkosazana Dlamini-Zuma het die afgelope naweek aangevoer dat dié reël egter hersien moet word.
Die voormalige premier van Gauteng, Paul Mashatile is ook as kandidaat vir adjunk-president. Nomvula Mokonyane is die ANC-tak se kandidaat vir adjunk-sekretarisgeneraal.
Die sekretaris-generaal van die ANC in KwaZulu-Natal, Bheki Mtolo, het dit vanoggend bekend gemaak.
Oud-president Jacob Zuma het gisteraand in ‘n verklaring bevestig dat hy bereid is om terug te keer na die politiek mits die ANC-takke dit wil hê.
Zuma het ook sy steun vir sy eksvrou, die minister van samewerkende regering en tradisionele sake, dr. Nkosazana Dlamini-Zuma, uitgespreek om as president van die ANC te dien.
Die ANC-leiers sal vanjaar tydens die party se 55ste nasionale kongres in Desember na topposte verkies word.
