11 Mei 2021
Inwoners van die Wilgenhof manskoshuis by die Universiteit Stellenbosch – wat verlede jaar tydelik geskors is na klagtes van wanpraktyke tydens ontgroening – is onskuldig bevind.
Die studente het onder andere klagtes van homofobie in die gesig gestaar nadat foto’s van wandade op die sosiale media geplaas is.
Die US se afdeling vir studentesake het in Februarie 2020 in ’n brief bevestig dat inwoners van Wilgenhof wat betrek is by die beweerde dade wat ander se menswaardigheid aangetas het, is tydelik van hul pligte in die koshuis onthef.
Die viserektor belas met leer en onderrig, prof Deresh Ramjugernath het ‘n brief aan studente en hulle ouers gestuur waarin die besluit verduidelik word.
Volgens dié brief het die tugraad bevind dat die beweerde oortredings nie op wangedrag neerkom nie maar dat die Universiteit reg was om die saak te ondersaak.
