4 April 2023
Die geskorste openbare beskermer, advokaat Busisiwe Mkhwebane, eis dat die parlementêre artikel 194-komitee se ondersoek na haar geskiktheid om haar amp as OB te beklee, gestop moet word.
Volgens haar is die komitee se vergadering, wat vandag voort geduur sonder haar teenwoordigheid, onwettig.
Die komitee se ondersoek het vandag hervat sonder Mkhwebane omdat die OB se kantoor aangedui het dat hulle nié meer die koste van haar regsverteenwoordiging sal dek nie. Haar regskoste beloop in die 2022/ 2023-boekjaar reeds nagenoeg R26,2-miljoen.
Sy voer in ‘n skrywe, wat sy op sosiale media geplaas het, aan dat die komiteevergadering wat tans plaasvind ‘n skending van haar regte én die proses waarop daar ooreengestem is, is.
