13 Mei 2023
Die parlement in Portugal het gister ‘n wetsontwerp oor genadedood goegekeur vir diegene wat terminaal siek is.
Die wetsontwerp is vir die eerste keer in 2020 ter tafel gelê, en is gister goedgekeur nadat dit vier keer van te vore van die hand gewys is. Die nuwe wet beteken dat mense ouer as 18 jaar bygestaan kan word om te sterf indien hulle gediagnoseer is met ongeneesbare, terminale siektestoestande.
Die voorwaarde is dat pasiënte verstandelik in staat moet wees om self die keuse om genadedood te neem. Die nuwe wet het slegs betrekking op Portugese landsburgers, wat beteken dat buitelanders nie die land kan besoek om genadedood te ontvang nie.
Die wet is goedgekeur met 129 stemme teenoor 81.
Teen 2022 was genadedood reeds in verskeie lande wettig insluitend, Kolombië, Spanje, Nederland, België, Luxemburg, Kanada en Australië.
Foto: RNZ
