19 Desember 2022
Die Suid-Afrikaanse Nasionale Weermag het nog nie ‘n woord gerep oor die ontplooiing van soldate by die Grootvlei kragstasie in Mpumalanga nie.
Dit volg nadat ‘n span joernaliste van Eyewitness News die kragstasie besoek het en geen teken van enige soldate gesien het nie.
‘n Woordvoerder van die weermag, Andries Mahapa wou nie kommentaar lewer nie en het gister reeds belowe dat ‘n verklaring hieroor uitgereik sou word.
Die besoek deur die joernaliste volg op ‘n aankondiging dat soldate by dié en drie ander kragstasies ontplooi is om te help met die bekamping van diefstal en sabotasie.
Eskom het Saterdag gesê dat soldate reeds by die Majuba-, Tutuka-, Camden- en Grootvlei kragsentrales ontplooi is.
