22 Mei 2023
Die LUR vir onderwys in Gauteng, Matome Chiloane sê hulle bou nie meer hoërskole in die provinsie se voorstede nie weens ‘n tekort aan persele.
Verlede jaar se aanlyn toelatingsregistrasieproses het ouers die harnas ingejaag nadat ‘n groot aantal leerders – weens ‘n tekort aan plek – nie by skole naby aan hulle huise geplaas is nie.
Die 2024 aanlyn toelatingsproses vir voornemende graad 1 en 8 leerlinge is amptelik bekendgestel.
Aansoeke sal op 15 Junie 2023 open en op 1 Julie 2023 sluit, waarna die departement vanaf 4 September sal begin om leerlinge in skole te plaas.
Chiloane sê sodra daar eiendom beskikbaar word, sal nuwe hoërskole gebou word. “Al kan daar nie tans skole gebou word nie, sal ons seker maak dat alle leerlinge wel plek in skole het.”
Hy sê sy departement prioritiseer nou nie bou van skole in informele nedersettings omdat kinders in dié gebiede nie noodwendig kan reis tot by voorstede om skool by te woon nie.
