13 Maart 2023
Die vakbond, Nehawu, het net gedeeltelik geslaag in sy appèl in die arbeidsappèlhof teen ‘n interdik wat sy staking verbied.
Hoewel geen kostebevel gemaak is nie, het die hof die vakbond gelas om voor 13:00 vanmiddag sy stakende lede elektronies daarvan in kennis te stel dat geen lede – wat noodsaaklike dienste lewer – mag staak nie.
Lede van Nehawu wat by die Spesiale Ondersoek-eenheid, SASSA en SANBI werksaam is, se optrede sal ook as onwettig geag word indien hulle voortgaan met die staking.
Nehawu se optrede – wat reeds tot die dood van minstens vier mense gelei het – spruit uit hulle ongelukkigheid oor ‘n 4,7% verhoging wat hulle as onvoldoende ag.
