23 Maart 2023
Die parlement sal nie ‘n ad hoc-komitee op die been bring, om die Phala Phala bewerings te ondersoek nie.
Dit kom nadat die ANC, Good, die NFP en Al Jama’ah gisteraand besluit het om nié ’n DA-versoek vir so ondersoek te ondersteun nie.
Die ANC sê hy is oortuig daarvan dat die voorgestelde ad hoc-komitee ’n poging is om ’n reaksionêre staatsgreep van stapel te stuur. Die party het die versoek verder as opportunisties beskryf.
Die DA leier John Steenhuisen sê die ANC probeer om president Cyril Ramaphosa te beskerm, omdat daar kwessies is wat ongerieflik is vir hom, sou hy ondersoek word vir die beweerde diefstal van buitelandse valuta op sy wildsplaas.
Die DA, die EFF, die VF Plus en die ACDP het in die Nasionale Vergadering ten gunste van so ‘n komitee gestem.
