4 November 2022
Die minister van finansies, Enoch Godongwana sê totdat ‘n amptelike kennisgewing in die Staatskoerant gepubliseer word moet padgebruikers steeds e-tolgeld betaal.
Dit wil voorkom asof die stelsel in werking gaan wees totdat die Gautengse provinsiale regering ‘n alternatiewe langtermynplan gekry het om die bykomende uitgawe – vir die instandhouding van padnetwerk – mee te finansier.
Godongwana sê die provinsie sal steeds die opsie hê om te besluit of hy sal wil voortgaan met e-tol.
Hy het bygevoeg dat die nasionale regering steeds van mening is dat ‘n direkte heffing vir padgebruikers die doeltreffendste en billikste manier is om padinfrastruktuur te finansier.
