16 Januarie 2023
Die nutsmaatskappy, Rand Water, het ‘n beroep op verbruikers gedoen om water spaarsaam te gebruik te midde van die hoë temperature en fase 6-beurtkrag wat tans ervaar word.
In ‘n verklaring sê dié instansie dat watervlakke van reservoirs aansienlik gedaal het.
Die toestand is vererger nadat tegniese probleme daartoe gelei het dat daar van Vrydag tot Sondag bykomende elektrisiteitstoevoerprobleme ondervind is in sy netwerk.
Volgens dié maatskappy sal hy verplig word om waterbeperkings in te stel indien die vraag na water hoog bly.
Intussen het die Tshwane-metro ook ‘n beroep op sy inwoners gedoen om water spaarsaam te gebruik. Die LUR vir nutsdienste, Darryl Johnston sê fase 6-beurtkrag lei tot ‘n rits probleme, en meen wateronderbrekings is een van daardie moontlikhede.
