5 April 2024
Die Departement van Gesondheid in Gauteng sê die telefoonlyne na ál sy gesondheidsfasiliteite is herstel.
Die telefoondienste was afgeskakel, weens ‘n betalingsgeskil met Telkom.
Volgens ‘n verklaring van die departement is slegs die Carletonville Distrikshospitaal nie bereikbaar nie, omdat die kabels by die hospitaal gesteel is.
Die departement sê ook hy is steeds besig met die proses om alle gesondheidsfasiliteite oor te skakel na die Provinsiale Stem Netwerk stelsel, wat deur die e-regering departement van Gauteng bestuur word.
